लगातार दुई दिन घटेको सेयर बजारमा मंगलबार सुधार देखिएको छ। नेप्से परिसूचक १९.७० अंक (०.६९%) ले बढेर २,८५१.०९ विन्दुमा पुगेको छ।
आज कारोबारमा आएका १९५ कम्पनीको मूल्य बढेको छ भने ६३ कम्पनीको मूल्य घटेको छ ।९ कम्पनीको मूल्य स्थिर रहेको छ ।
मंगलबार ११ अर्ब ११ करोड २४ लाख रुपैयाँको सेयर कारोबार भएको छ । अघिल्लो दिन १२ अर्ब ९६ करोड रुपैयाँको सेयर कारोबार भएको थियो।
आज २ करोड ७९ लाख ४२ हजार ७ सय ७९ कित्ता सेयर खरिदबिक्री भए।
कारोबारमा आएका १३ मध्ये सामुहिक लगानी कोष र ‘अन्य’ बाहेक सबै उपसमूहको सूचक बढेको छ।
