पश्चिम एसियामा जारी युद्धका कारण प्रभावित नेपाल–खाडी हवाई सेवा आंशिक रूपमा सञ्चालनमा आएको छ। हिमालय एयरलाइन्स, कतार एयरवेज, एयर अरेबिया र फ्लाई दुबईले सीमित उडानमार्फत सेवा सुरु गरेका छन्।
काठमाडौं–दोहा मार्गमा दैनिक दुई उडान भइरहेका छन् भने अन्य गन्तव्यमा पनि सीमित ‘सुरक्षित मार्ग’ प्रयोग गरिएको छ। केही उडान पुनः सुरु भए पनि सुरक्षा अवस्था, हवाई मार्ग र नियामक अनुमति अनुसार तालिका अझै अनिश्चित रहेको एयरलाइन्सहरूले जनाएका छन्।
यसले वैदेशिक रोजगारीमा रहेका नेपाली र यात्रुहरूलाई आंशिक राहत दिएको छ, तर पूर्ण रूपमा नियमित उडान अझै सुरु हुन सकेको छैन।
