प्रतिनिधिसभा को नयाँ नियमावली तर्जुमा गर्न गठन गरिएको मस्यौदा समितिको बैठक सिंहदरबारमा जारी छ।
गणेश पराजुली को संयोजकत्वमा १५ सदस्यीय समिति गठन गरिएको हो, जसले कानुनविद् र संसदीय अभ्यासकर्तासँग छलफल गरेर नयाँ नियमावली तयार गर्नेछ।
यसअघि समितिले महाअभियोग प्रक्रिया र समिति गठनबारे छलफल गरे पनि निष्कर्षमा पुग्न सकेको थिएन। समितिलाई १५ दिनभित्र प्रतिवेदन बुझाउने कार्यादेश दिइएको छ।
