काठमाडौं । नेपालमा चैतदेखि वैशाखसम्मको प्रि–मनसुन अवधिमा अस्वाभाविक रूपमा धेरै वर्षा, असिना र चिसोपन देखिएको छ। सामान्यभन्दा करिब तीन गुणासम्म बढी वर्षा रेकर्ड भएपछि मौसमविद्हरूले यसलाई असामान्य मौसमीय गतिविधि बताएका छन्।
जल तथा मौसम विज्ञान विभागका अनुसार यस वर्ष प्रि–मनसुनमा काठमाडौंमै करिब २३० मिलिमिटरभन्दा बढी वर्षा भइसकेको छ, जुन औसतभन्दा धेरै हो। देशभर पनि लगातार पश्चिमी वायु, स्थानीय प्रणाली र जलवाष्पयुक्त हावाका कारण वर्षा बढेको विज्ञहरूको भनाइ छ।
मौसमविद्हरूले प्रशान्त महासागरमा देखिएको एल निनो प्रभावका कारण आगामी मनसुनमा कम वर्षा र बढी गर्मी हुन सक्ने प्रारम्भिक पूर्वानुमान गरेका छन्।
