काठमाडौँको माइतीघर मण्डलामा चलचित्र ‘लालीबजार’ विरुद्ध विरोध प्रदर्शन भएको छ।
बादी समुदायका प्रतिनिधि र अधिकारकर्मीहरूले फिल्मले आफ्नो समुदायको मानमर्दन र चरित्रहत्या गरेको आरोप लगाउँदै निर्माण र प्रदर्शन रोक्न माग गरेका छन्।
उनीहरूको भनाइमा फिल्मले बादी समुदायको इतिहासलाई गलत रूपमा प्रस्तुत गरी नकारात्मक भ्रम फैलाएको छ। प्रदर्शनमा ‘लालीबजार बन्द गर’ लगायतका नारा लेखिएका प्लेकार्ड प्रदर्शन गरिएको थियो।
