स्वास्थ्य तथा जनसंख्या मन्त्रालयले देशभरका २२ वटा संघीय अस्पताल र स्वास्थ्य संस्थाहरूलाई आफ्नो स्वामित्वमा रहेको जग्गा संरक्षण गर्न कडा निर्देशन दिएको छ।
मन्त्रालयले कोशी अस्पतालसहित वीर अस्पताल, कान्ति बाल अस्पताल, प्रसूति गृह र विभिन्न प्रतिष्ठानहरूलाई जग्गाको सिमाना यकिन गर्न, अतिक्रमण भएको भए हटाउन प्रक्रिया अघि बढाउन तथा अनधिकृत संरचना पहिचान गर्न भनेको छ।
अतिक्रमण भेटिएमा स्थानीय प्रशासन, सुरक्षा निकाय र सम्बन्धित निकायसँग समन्वय गरी हटाउने तथा भविष्यमा पुनः अतिक्रमण रोक्न घेराबार र कानुनी अभिलेख अद्यावधिक गर्न समेत निर्देशन दिइएको छ।
मन्त्रालयको यो कदम सरकारी अस्पतालको अर्बौं मूल्यका जग्गा संरक्षण र दीर्घकालीन पूर्वाधार विकासका लागि महत्वपूर्ण मानिएको छ।
