कीर्तिपुरस्थित त्रिवि क्रिकेट मैदानमा भएको आईसीसी लिग–२ खेलमा संयुक्त राज्य अमेरिका राष्ट्रिय क्रिकेट टोलीले पहिले ब्याटिङ गर्दै ४३.३ ओभरमा सबै विकेट गुमाएर १९५ रन मात्र बनायो। अमेरिकाका स्मित पटेलले ८३ रन र शह्यान जयसूर्याले ५० रन बनाए पनि अन्य ब्याटर चल्न सकेनन्।
नेपालका बलरमध्ये दीपेन्द्रसिंह ऐरीले ४ विकेट लिए भने सोमपाल कामीले २ र सन्दीप लामिछाने तथा गुल्सन झाले १–१ विकेट लिए।
अब नेपाल राष्ट्रिय क्रिकेट टोलीले जितका लागि १९६ रनको लक्ष्य पछ्याउनेछ।
