काठमाडौँ — नेपाल मेडिकल काउन्सिलले फेसबुक, टिकटक लगायत सामाजिक सञ्जालमार्फत जथाभावी औषधि सिफारिस गर्ने चिकित्सकलाई कारबाही गर्ने चेतावनी दिएको छ।
काउन्सिलले बिरामीको प्रत्यक्ष परीक्षण बिना औषधि सिफारिस गर्नु गैरजिम्मेवार र जोखिमपूर्ण भएको भन्दै यस्तो अभ्यास तुरुन्त रोक्न निर्देशन दिएको हो।
सूचनामा सामाजिक सञ्जालमा स्वास्थ्य परामर्श दिँदा वैज्ञानिक आधार र पेशागत मापदण्ड पालना गर्नुपर्ने तथा बिरामीको गोपनीयता अनिवार्य रूपमा सुरक्षित गर्नुपर्ने उल्लेख छ।
निर्देशन उल्लंघन गर्ने चिकित्सकलाई कानुनअनुसार कडा कारबाही गरिने काउन्सिलले स्पष्ट पारेको छ।
