काठमाडौं जिल्ला प्रशासन कार्यालय (सीडीओ) ले वास्तविक भूमिहीनको पहिचान गरिसकेपछि १० देखि १५ दिनभित्र उनीहरूको बसोबासको व्यवस्था गर्ने तयारी भइरहेको जनाएको छ।
कार्यालयका अनुसार नदी किनार तथा सरकारी/सार्वजनिक जग्गा अतिक्रमण गरी बनाइएका टहरा हटाउन मिति २०८३ वैशाख ११ गते साँझ ७ बजेसम्म खाली गर्न निर्देशन दिइएको छ। सो अवधिभित्र स्वेच्छाले नहटाए सुरक्षाकर्मीको सहयोगमा हटाइनेछ।
सीडीओ कार्यालयले अपांग, बालबालिका, गर्भवती, सुत्केरी, वृद्ध तथा बिरामीलाई प्राथमिकतामा राखी स्थानान्तरण गर्ने बताएको छ। वैशाख १२ गते बिहान ६ बजेदेखि अतिक्रमित संरचना भत्काउने काम सुरु हुने र अवरोध गरे कानुनी कारबाही हुने चेतावनी पनि दिइएको छ।
