काठमाडौं । नेपाली सेनाले देशका विभिन्न स्थानमा सुकुमबासी बस्तीको लगत संकलन थालेको छ।
स्थानीय युनिटमार्फत पठाइएका पत्रमा अव्यवस्थित बस्तीको विवरण माग गरिएको छ भने केही स्थानमा म्यापिङसमेत सुरु भएको बताइएको छ।
सेनाले यो कार्य मनसुन पूर्वतयारी र विपद् व्यवस्थापनका लागि भएको जनाएको छ। जोखिम क्षेत्र पहिचान र उद्धार योजनाका लागि तथ्यांक आवश्यक भएको सेनाको भनाइ छ।
तर सुकुमबासी बस्ती हटाउने अभियान चलिरहेका बेला सेनाको यो गतिविधिले थप चासो बढाएको छ।
