राष्ट्रिय स्वतन्त्र पार्टी (रास्वपा)का सांसद अमरेशकुमार सिंहले सरकारले सुशासन कायम गर्न राष्ट्रिय सदाचार नीति २०७४ तत्काल लागू गर्नुपर्ने बताएका छन्।
प्रतिनिधिसभामा बोल्दै उनले सुशासनका लागि यो नीति कार्यान्वयन र सार्वजनिक सम्पत्तिसम्बन्धी प्रतिवेदन सार्वजनिक गर्नु आवश्यक रहेको बताए। उनका अनुसार सरकारी तथा गुठी जग्गा अतिक्रमणको विषयमा पनि सरकार गम्भीर हुनुपर्नेछ।
सिंहले सरकारले पारदर्शिता र जवाफदेहिताप्रति प्रतिबद्धता देखाउनुपर्ने भन्दै सार्वजनिक सम्पत्तिको संरक्षणमा कडाइ गर्न आग्रह गरेका छन्।
