काठमाडौं, चैत २० – श्रीलंकाली फास्ट बलर नुवान तुसाराले यस वर्षको इन्डियन प्रिमियर लिग (आईपीएल) खेल्न अनुमति नपाएको विरोधमा श्रीलंका क्रिकेट बोर्डविरुद्ध कोलम्बो जिल्ला अदालतमा मुद्दा दायर गरेका छन्।
तुसाराले ‘रोयल च्यालेन्जर्स बेंगलुरु’ बाट खेल्ने योजना बनाएका थिए। तर बोर्डले नयाँ र कडा फिटनेस टेस्ट पास नगरेको भन्दै उनको नो अब्जेक्सन सर्टिफिकेट (एनओसी) अस्वीकार गरेको थियो। उनी बोर्डसँगको सम्झौता मार्च ३१ मा सकिँदैछ र अब व्यावसायिक लिगमा खेल्न चाहन्छन्।
तुसाराको मुद्दाको सुनुवाइ अप्रिल ९ मा हुने तय भएको छ। यसले सुरुवाती दुई हप्ताका खेलहरू उनले छुटाउनु पक्कापछि क्रिकेट जगतमा महत्वपूर्ण नजिर बन्न सक्ने देखिन्छ।
