काठमाडौं, चैत २४ – गृहमन्त्री सुधन गुरूङ काभ्रेको रोशी–कलाँती क्षेत्रको स्थलगत निरीक्षणमा जाने भएका छन्। उनले मंगलबार मन्त्रिपरिषद् बैठक सकेर उक्त क्षेत्रको अवलोकन गर्न लागेका हुन्। २०८१ असोज महिनामा आएको भेलबाढीले यस क्षेत्रलाई अत्यधिक प्रभावित पारेको थियो। यसकै कारण, मापदण्डविपरीतका खानी र क्रसर उद्योगको असरको गुनासो बढेको छ।

गृहमन्त्री गुरूङले बाढी प्रभावित क्षेत्रको अवस्था र उच्च जोखिममा रहेका बस्तीहरूको वास्तविक स्थिति बुझ्नेछन्। यसका साथै, आगामी वर्षायाममा जोखिम न्यूनीकरणका लागि तयारी र समन्वयका विषयमा सम्बन्धित निकायलाई निर्देशन दिने बताइएको छ।