सम्पत्ति शुद्धीकरण अनुसन्धान विभागले व्यवसायी दीपक भट्ट र सुलभ अग्रवालको बयान सकाएको छ। अब मुद्दा दर्ताको तयारी भइरहेको भए पनि कहिले दर्ता गर्ने भन्ने निर्णय अझै भएको छैन।
भट्ट चैत १५ गते पक्राउ परेका थिए र हाल हिरासतमा छन्। अनुसन्धानकै क्रममा शंकर ग्रुपका अध्यक्ष शंकरलाल अग्रवाल पक्राउ परे पनि पछि हाजिरी जमानीमा छुटेका छन्, तर सुलभ अग्रवाल अझै हिरासतमा छन्।
विभागलाई कानुनअनुसार ९० दिनसम्म हिरासतमा राखेर अनुसन्धान गर्ने अधिकार छ। आवश्यक परे हाजिरी जमानीमा छाडेर पनि मुद्दा अघि बढाउन सकिने बताइएको छ।
यसैबीच, प्रकरणमा अन्य उच्च तहका व्यक्तिहरूमाथि पनि अनुसन्धानको तयारी भइरहेको छ भने गृहमन्त्रीको लगानी जोडिएपछि विषय थप चर्चामा आएको छ।
