इलाम । इलाम प्रहरीले शान्ति सुरक्षा कायम गर्न र ध्वनि प्रदूषण नियन्त्रणका लागि विशेष अभियान सुरु गरेको छ।
अभियानको क्रममा इलाम बजार क्षेत्रबाट स्वरूप परिवर्तन गरी चर्को आवाज निकाल्ने ८ वटा मोटरसाइकल नियन्त्रणमा लिइएको छ।
प्रहरीले ट्राफिक नियम उल्लंघन गर्ने र रातिको समयमा शान्ति भंग गर्ने सवारी साधनलाई लक्षित गरी निगरानी बढाएको जनाएको छ। नियन्त्रणमा लिइएका सवारीमाथि आवश्यक कारबाही प्रक्रिया अघि बढाइएको छ।
