कोशी प्रदेश सरकारले स्थानीय तहहरूलाई सवारीसाधन कर बाँडफाँटको अनुमानित रकम सार्वजनिक गरेको छ। आगामी आर्थिक वर्ष २०८३/८४ का लागि करिब १ अर्ब २६ करोड रुपैयाँ बाँडफाँट हुने अनुमान गरिएको छ।
सूचीअनुसार विराटनगर महानगरपालिकाले सबैभन्दा बढी करिब ३ करोड ४३ लाख रुपैयाँ पाउनेछ भने मोरङका अन्य केही नगरपालिकाले पनि ठूलो हिस्सा पाउनेछन्।
त्यस्तै, तेह्रथुमको मेन्छयायेम गाउँपालिकाले सबैभन्दा कम करिब ४२ लाख रुपैयाँ प्राप्त गर्नेछ। सडक अवस्था र सवारी घनत्वका आधारमा रकम वितरण गरिएको प्रदेश सरकारले जनाएको छ।
