विराटनगर । तेह्रथुमको लालीगुराँस नगरपालिकाले बाँदर आतंक नियन्त्रण गर्न सार्वजनिक बिदासहित सामूहिक अभियान सञ्चालन गरेको छ।
स्थानीय, जनप्रतिनिधि र कर्मचारीहरू गुलेली तथा मट्याङ्ग्रा लिएर बाँदर धपाउन जङ्गल क्षेत्रमा पुगेका हुन्।
नगरपालिकाका अनुसार बाँदरले अलैँची, फलफूल र तरकारी खेतीमा ठूलो क्षति पुर्याएपछि किसान पलायन हुन थालेका छन्।
समस्या समाधानका लागि प्रदेश र संघीय सरकारको ध्यानाकर्षण गराउन अभियान सञ्चालन गरिएको नगरपालिकाले जनाएको छ।
