काठमाडौं । लेबनानको दक्षिणी क्षेत्रमा इजरायली हवाई आक्रमण हुँदा १४ जनाको मृत्यु भएको छ भने दर्जनौँ घाइते भएका छन्।
लेबनानी स्वास्थ्य मन्त्रालयका अनुसार मृतकमध्ये दुई महिला र दुई बालबालिका पनि छन्। आक्रमण कफर तिबनित र जावतार अल–शर्किया क्षेत्रका गाउँहरूमा भएको हो।
अमेरिका मध्यस्थतामा चलिरहेको युद्धविरामबीच भएको यस घटनाले तनाव थप बढाएको छ। आक्रमणमा धार्मिक संरचनासमेत क्षति पुगेको बताइएको छ।
यसैबीच इजरायलले आफ्ना एक सैनिकको मृत्यु र ६ जना घाइते भएको पुष्टि गरेको छ।
