वाणिज्य, आपूर्ति तथा उपभोक्ता संरक्षण विभागले अनुगमनका क्रममा कैफियत भेटिएपछि काठमाडौँका दुई फर्मलाई जरिवाना गरेको छ।
वेष्ट सपिङ सेन्टर (ठमेल) र कान्तिपुर क्याफे एयरपोर्टलाई उपभोक्ता संरक्षण ऐनअनुसार जनही २ लाख ५ हजार रुपैयाँ जरिवाना गरिएको हो।
त्यसैगरी अन्य केही फर्मलाई कागजातसहित विभागमा उपस्थित हुन निर्देशन दिइएको छ। सोमबार गरिएको अनुगमनमा अधिकांश फर्मलाई सुधार गर्न निर्देशन दिइएको विभागले जनाएको छ।
