विराटनगर । झन्डै एक दशकदेखि बन्द रहेको विराटनगर जुटमिल खिया लागेको मेसिन, भत्किएको संरचना र पुरानो व्यवस्थापनका कारण तत्काल सञ्चालन गर्न नसकिने अवस्थामा पुगेको छ।
विशेषज्ञका अनुसार मिललाई पुनः चलाउन कम्तीमा १.५ देखि २ अर्ब रुपैयाँसम्म लगानी आवश्यक पर्ने देखिएको छ। पुराना मेसिन प्रतिस्थापन र संरचना पुनर्निर्माण बिना उत्पादन सम्भव नरहेको बताइएको छ।
यससँगै दक्ष जनशक्ति अभाव, मजदुर तलब बक्यौता र जग्गा अतिक्रमणजस्ता समस्या थप चुनौती बनेका छन्।
