काठमाडौं । सरकारले प्रशासनिक सुधारअन्तर्गत केन्द्र सरकारका मन्त्रालयको संख्या घटाएर १७ मा सीमित गर्ने तयारी गरेको छ। आज बस्ने मन्त्रिपरिषद् बैठकमा मन्त्रालय गाभ्ने र खारेज गर्ने प्रस्तावित खाका पेस गरिँदैछ।
कार्यदलको सिफारिसअनुसार केही मन्त्रालय खारेज हुने र केहीको संरचना तथा नाम परिवर्तन गरिने योजना छ। खेलकुदलाई शिक्षासँग, खानेपानी र सहरी विकासलाई भौतिक पूर्वाधारसँग गाभ्ने तयारी गरिएको छ।
यस्तै, महिला, बालबालिका, स्वास्थ्य र सामाजिक सुरक्षालाई समेटेर नयाँ मन्त्रालय बनाउने तथा केही प्रमुख विषय प्रधानमन्त्री कार्यालय मातहत ल्याउने योजना पनि अघि सारिएको छ।
सरकारले यो कदम प्रशासनिक सुधार र कार्यक्षमता बढाउने लक्ष्यसहित अघि बढाएको जनाएको छ।
