काठमाडौं — नेपाली बजारमा सुन र चाँदीको मूल्य मंगलबार घटेको छ। अघिल्लो दिनको तुलनामा सुन प्रतितोला ३ हजार ८ सय रुपैयाँले घटेर २ लाख ९१ हजार रुपैयाँमा झरेको नेपाल सुनचाँदी व्यवसायी महासंघले जनाएको छ।
सोमबार सुन २ लाख ९४ हजार ८ सय रुपैयाँमा कारोबार भएको थियो।
त्यस्तै, चाँदीको मूल्य पनि प्रतितोला १५० रुपैयाँले घटेर ४ हजार ८ सय ८० रुपैयाँ कायम भएको छ। सोमबार चाँदी ५ हजार ३० रुपैयाँमा कारोबार भएको थियो।
मूल्य घटेसँगै बजारमा सुनचाँदी कारोबारमा सामान्य प्रभाव देखिएको व्यवसायीहरूले बताएका छन्।
