काठमाडौं – पछिल्लो एक महिनामा ६२ हजार २६५ जना नेपाली श्रमिक वैदेशिक रोजगारीमा गएका छन्। स्वदेशमा उचित पारिश्रमिक नपाउने, काममा अपमानजनक व्यवहार भोग्ने र रोजगारको स्थायित्व नहुँदा युवा श्रमिकहरू विदेशिन बाध्य भएको श्रम अधिकारकर्मीहरूले बताएका छन्।
वैदेशिक रोजगार विभागका तथ्यांकअनुसार, युवा बेरोजगारदर १२.७ प्रतिशत छ भने श्रम बजारमा सहभागी दर ३७.५ प्रतिशत मात्रै छ। सरकारले रोजगारी सृजना गर्ने डिजिटल ‘श्रम संसार प्रणाली’ सञ्चालन गरेको भए पनि हालसम्म केवल अत्यल्प मात्र श्रमिकले नै रोजगारी पाएका छन्।
