काठमाडौं — ट्राफिक प्रहरीले पछिल्लो २४ घण्टामा २,२१८ सवारी चालकलाई कारबाही गर्दै करिब ६ लाख ४१ हजार रुपैयाँ राजस्व संकलन गरेको छ।
काठमाडौँ उपत्यका ट्राफिक प्रहरी कार्यालय का अनुसार मादक पदार्थ सेवन, तीव्र गति, लेन अनुशासन उल्लङ्घन, निषेधित क्षेत्रमा हर्न बजाउने तथा गलत पार्किङलगायत नियम उल्लङ्घनका कारण कारबाही गरिएको हो।
सबैभन्दा धेरै १,१२५ जना अन्य विभिन्न ट्राफिक नियम उल्लङ्घनमा परेका छन् भने बाँकी चालक विभिन्न शीर्षकमा कारबाहीमा परेका हुन्।
