स्वास्थ्य सचिव विकास देवकोटाले स्वास्थ्य बिमा प्रणालीमा अनियमितता र दुरुपयोग बढेकाले सरकारले कडाइ गर्ने बताएका छन् ।
उनका अनुसार मासिक करिब २ अर्ब रुपैयाँ बिमा दाबी आउने गरेको छ, जसलाई व्यवस्थित गर्न आवश्यक छ । उनले प्रदेश र स्थानीय तहबाट छुट्टै स्वास्थ्य बजेट जाने भएकाले दोहोरो खर्च देखिएको बताए ।
देवकोटाले ‘होल बडी चेकअप’ जस्ता अनावश्यक परीक्षणमा बिमा रकम प्रयोग हुने प्रवृत्ति रोक्नुपर्ने भन्दै बिमा रकम आपतकालीन अवस्थाका लागि मात्र प्रयोग हुनुपर्ने स्पष्ट पारे ।
