वाशिङ्टन डीसी । अमेरिकी राष्ट्रपति डोनाल्ड ट्रम्पले इरानलाई सैन्य हतियार आपूर्ति गर्ने देशहरूमाथि कडा व्यापारिक कदम चाल्ने चेतावनी दिएका छन्। उनले त्यस्ता देशबाट आयात हुने वस्तुमा ५० प्रतिशत ट्यारिफ लगाइने बताएका हुन्।
तेहरानसँग दुई हप्ताको युद्धविराम घोषणा भएको केही समयमै यस्तो चेतावनी आएको हो। तर, यस कदमको कानुनी आधार स्पष्ट नभएको भन्दै विज्ञहरूले शंका व्यक्त गरेका छन्।
ट्रम्पको भनाइ मुख्यतः चीन र रुसतर्फ लक्षित भएको अनुमान गरिएको छ, यद्यपि ती देशहरूले इरानलाई हतियार दिएको आरोप अस्वीकार गर्दै आएका छन्।
