रूपन्देही । जिउँदो व्यक्तिलाई मृत देखाएर मृत्यु दर्ता गराएको घटनामा वडाध्यक्षसहित चार जनालाई प्रहरीले पक्राउ गरेको छ।
पश्चिम नवलपरासीको सुस्ता गाउँपालिकामा भएको उक्त प्रकरणमा वडा अध्यक्ष प्रभुनाथ अहिर र वडा सचिव सञ्जयकुमार चौधरी नियन्त्रणमा परेका हुन्।
यसअघि मुख्य योजनाकार तारिख मियाँ अन्सारी र एक साक्षी पनि पक्राउ परिसकेका थिए भने अन्य केही फरार छन्।
प्रहरीका अनुसार झुटा विवरणका आधारमा मृत्यु दर्ता गराइएको र घटनाबारे थप अनुसन्धान भइरहेको छ।
