काठमाडौं, जेठ २० — विश्व मौसम विज्ञान संगठन (डब्लूएमओ)ले अल निनोको प्रभावका कारण जुनदेखि अगस्टसम्म विश्वका विभिन्न क्षेत्रमा अत्यधिक गर्मी, खडेरी र भारी वर्षाको जोखिम बढ्न सक्ने जनाएको छ।
डब्लूएमओका अनुसार अल निनो नोभेम्बरसम्म कायम रहन सक्ने सम्भावना छ। यसले दक्षिण एसिया, अस्ट्रेलिया र मध्य अमेरिकाका केही क्षेत्रमा खडेरी तथा अन्य क्षेत्रमा अत्यधिक वर्षा निम्त्याउन सक्छ। संगठनले गर्मीसँगै खाद्य तथा खानेपानी आपूर्ति, कृषि उत्पादन र जनस्वास्थ्यमा समेत असर पर्न सक्ने भन्दै पूर्वतयारी गर्न आग्रह गरेको छ।
