चितवनको इच्छाकामना गाउँपालिका–१ कुलबाङका श्यामबहादुर चेपाङले पाँच दिनभित्र आफ्ना तीनै सन्तान गुमाएका छन्। टाउको दुख्ने, वान्ता हुने र पखाला लाग्ने लक्षण देखिएपछि ९ वर्षीया नमुना चेपाङको गाउँमै मृत्यु भएको थियो भने ११ वर्षीय साजन र १३ वर्षीया मनिताको भरतपुर अस्पतालमा उपचारका क्रममा निधन भयो।
परिवारले मकैको भातसँग जंगली साग खाएको र जंगली च्याउको विषाक्त असर हुन सक्ने आशंकामा चिकित्सकहरूले अनुसन्धान गरिरहेका छन्। श्यामबहादुर र उनकी पत्नी पदमकुमारीको अवस्था भने सामान्य रहेको छ।
