काठमाडौं — जल तथा मौसम विज्ञान विभागले मनसुनलाई लक्षित गर्दै बाढी र मौसम पूर्वानुमान सेवा २४ घण्टा सञ्चालन गर्ने आपत्कालीन योजना सार्वजनिक गरेको छ।
विभागले नियमित बुलेटिन दैनिक दुई पटक र आवश्यक परे ३–५ दिनअगावै चेतावनी जारी गर्ने जनाएको छ। प्रमुख नदीहरूमा ३ दिनअगावै र साना नदीमा २–६ घण्टाअगावै बाढी सूचना दिइनेछ।
जोखिम क्षेत्रका नागरिकलाई टेलिकम र एनसेलमार्फत निःशुल्क SMS अलर्ट, ११५५ टोल–फ्री नम्बर, वेबसाइट र सामाजिक सञ्जालमार्फत जानकारी उपलब्ध गराइनेछ।
