काठमाडौं । निर्वाचन आयोगले समानुपातिक निर्वाचन प्रणालीतर्फ राजनीतिक दलहरूले गरेको चुनावी खर्च विवरण सार्वजनिक गरेको छ।
विवरणअनुसार सबैभन्दा धेरै खर्च राष्ट्रिय स्वतन्त्र पार्टी (रास्वपा) ले गरेको छ, जसले करिब २ करोड ११ लाख रुपैयाँ खर्च गरेको देखिएको छ।
नेपाली कांग्रेसले करिब १ करोड ९६ लाख रुपैयाँ र राष्ट्रिय प्रजातन्त्र पार्टी (राप्रपा) ले पनि करिब १ करोड ९६ लाख रुपैयाँ खर्च गरेको विवरण आयोगमा बुझाएका छन्।
अन्य दलहरूमा एमालेले करिब ७५ लाख रुपैयाँ, नेकपा (माओवादी केन्द्र) ले करिब १९ लाख रुपैयाँ र श्रम संस्कृति पार्टीले करिब १६ लाख रुपैयाँ खर्च गरेको देखिएको छ।
