काठमाडौं, जेठ ३, २०८३ — नेपाली कांग्रेसका नेता नैनसिंह महरले सरकारका पछिल्ला गतिविधि लोकतान्त्रिक मूल्य र विधिको शासनविपरीत रहेको आरोप लगाएका छन्।
स्कुल अफ डेमोक्रेसीले काठमाडौंमा गरेको छलफलमा उनले सम्पत्ति छानबिन आयोगको कार्यादेश पूर्वाग्रही र चयनात्मक देखिएको दाबी गरे। महरका अनुसार आयोगलाई निष्पक्ष अनुसन्धानभन्दा पनि सरकारसँग असहमति राख्ने व्यक्तिहरूलाई लक्षित गर्ने माध्यम बनाउन खोजिएको छ।
उनले राज्य संयन्त्र प्रतिशोधको औजार बन्नु खतरनाक संकेत भएको भन्दै भ्रष्टाचार नियन्त्रणका सबै कदम समान, निष्पक्ष र पारदर्शी हुनुपर्नेमा जोड दिए।
