कास्कीको पोखरा महानगरपालिका–१८ सेदीस्थित एकान्त घरमा सञ्चालन गरिएको ट्रान्स पार्टीमा प्रहरीले छापा मारेर ३८ जनालाई पक्राउ गरेको छ।
मंगलबार राति गरिएको कारबाहीमा लागूऔषध प्रयोग र बिक्री भइरहेको सूचनापछि प्रहरीले हस्तक्षेप गरेको हो। पक्राउ परेकामध्ये एक इजरायली, दुई भारतीय र पाँच नेपालीसहित आठ जनासँग लागूऔषध बरामद भएको प्रहरीले जनाएको छ।
घटनामा संलग्नहरूमाथि लागूऔषधसम्बन्धी कसुरमा अनुसन्धान भइरहेको छ भने अन्यको पृष्ठभूमि पनि जाँच भइरहेको प्रहरीले जनाएको छ।
