काठमाडौं — सार्वजनिक यातायातलाई व्यवस्थित, प्रविधिमैत्री र यात्रुमैत्री बनाउने विषयमा प्रधानमन्त्री तथा मन्त्रिपरिषद्को कार्यालयमा सरकार र यातायात व्यवसायीबीच छलफल भएको छ।
नेपाल यातायात व्यवसायी राष्ट्रिय महासंघका कार्यवाहक अध्यक्ष सरोज सिटौलाले चालक–सहचालकको व्यवहार सुधार, सवारी सफा राख्ने र सबै गाडीमा डस्टबिन अनिवार्य गर्ने प्रतिबद्धता जनाएका छन्।
छलफलमा व्यवसायीहरूले वैज्ञानिक भाडादर लागू गर्न र सार्वजनिक सवारीका लागि छुट्टै लेन व्यवस्था गर्न माग गरेका छन्। दीर्घकालीन सुधारका लागि ठूला बस सञ्चालन र प्रविधि प्रयोग बढाउने विषयमा पनि सहमति खोजिएको छ।
पाँच दिनपछि पुनः बैठक बसेर थप निर्णय लिने जनाइएको छ।
