काठमाडौं — सर्वोच्च अदालतका अधिकृत महिमानसिंह बिष्टलाई सरकारी कागजात किर्ते गरेको आरोपमा ६ महिना कैद र १० हजार रुपैयाँ जरिवाना सुनाइएको छ।
जिल्ला अदालत काठमाडौंका न्यायाधीश खिमानन्द भुषालको इजलासले यसअघि दोषी ठहर गरिएका बिष्टलाई बिहीबार सजाय निर्धारण गरेको हो।
बिष्टले अनाधिकृत रूपमा सर्वोच्चको लेटरहेड प्रयोग गरी रेशम चौधरीलाई जेल पठाउने पत्र बनाएका थिए। घटना सार्वजनिक भएपछि चौधरी रिहा भएका थिए भने बिष्टलाई पक्राउ गरी मुद्दा चलाइएको थियो।
