सप्तरीको रुपनी गाउँपालिकामा सार्वजनिक जग्गा जनप्रतिनिधिकै मिलेमतोमा निजी नाममा पास गरिएको खुलासा भएको छ। अध्यक्ष दिनेशकुमार यादवले रोक्का जग्गा फुकुवा गराएको र वडाध्यक्ष लिला यादवले झुठो सिफारिसमार्फत आफ्नै परिवारको नाममा जग्गा सारिएको आरोप छ।
करिब ५० वर्षदेखि स्थानीयले प्रयोग गर्दै आएको जग्गामा अहिले पनि घर र सार्वजनिक संरचना छन्। स्थानीयले यसलाई गैरकानुनी भन्दै विरोध गरेका छन् भने सम्बन्धित पक्षले त्रुटि सच्याउने बताएका छन्।
