काठमाडौँ, १४ वैशाख। राष्ट्रपति रामचन्द्र पौडेल आफ्नो गृहजिल्ला तनहुँ पुगेका छन्। सोमबार दमौलीमा राष्ट्रपति पौडेललाई तनहुँवासीले भव्य स्वागत गरेका थिए। कार्यक्रममा तनहुँ क्षेत्र नम्बर २ का प्रतिनिधिसभा सदस्य श्रीराम न्यौपाने, जिल्ला समन्वय समितिका प्रमुख शान्तिरमण वाग्ले, र अन्य जनप्रतिनिधिहरू उपस्थित थिए। पौडेल तनहुँको भानु साहित्य उद्यानको शिलान्यास गर्न गएको जानकारी प्राप्त भएको छ।