झापा । बुद्धशान्ति गाउँपालिकामा दुई जङ्गली हात्ती बस्ती नजिक देखिएपछि स्थानीयवासीमा त्रास फैलिएको छ।
जयपुर र जुनेली बस्ती आसपासका चिया बगान क्षेत्रमा भौँतारिरहेका हात्तीलाई जंगलतर्फ फर्काउने प्रयास भइरहेको प्रहरीले जनाएको छ।
स्थानीय भीड र हात्तीको आक्रामक हुने जोखिमका कारण उद्धार कार्यमा चुनौती देखिएको छ भने सुरक्षाकर्मीले दूरी कायम गर्न आग्रह गरेका छन्।
