काठमाडौं — काठमाडौँको इन्द्रचोकस्थित सुनचाँदी पसलमा पेस्तोल देखाएर लुटपाटको प्रयास गर्ने तीन जनालाई प्रहरीले पक्राउ गरेको छ।
इन्द्रचोक भेडासिंहस्थित नैना एन्ड इशान ज्वेलरीमा वैशाख १७ गते भएको घटनामा लुटपाटको प्रयास विफल भएपछि आरोपीहरू फरार भएका थिए।
अनुसन्धानपछि पक्राउ परेका तीन जनामध्ये एक जनाको साथबाट घटनामा प्रयोग गरिएको पेस्तोल बरामद गरिएको प्रहरीले जनाएको छ। पक्राउ परेकाहरूविरुद्ध थप अनुसन्धान भइरहेको छ।
