काठमाडौँ — यस वर्षको वसन्तकालीन हिमाल आरोहण सिजनमा सगरमाथा र मकालुमा गरी ५ जनाको मृत्यु भएको छ।
पर्यटन विभागका अनुसार सगरमाथामा ३ नेपाली गाइड र मकालुमा २ विदेशी आरोहीको निधन भएको हो। सगरमाथामा खुम्बु आइसफल र उच्च शिविर क्षेत्रमा दुर्घटना भएको बताइएको छ भने मकालुमा ७,२०० मिटरभन्दा माथिको “डेथ जोन” मा मृत्यु भएको हो।
यस सिजनमा सगरमाथासहित ३० हिमालका लागि १,१३४ आरोहीले अनुमति लिएर आरोहण गरिरहेका छन्।
