सुनसरीमा कर्तव्य ज्यान मुद्दामा २० वर्ष कैद सजाय सुनाइएका एक फरार अभियुक्तलाई प्रहरीले ५ वर्षपछि पक्राउ गरेको छ। इटहरी–७ का ४१ वर्षीय दिनेश चौधरीलाई घरमै लुकेको अवस्थामा नियन्त्रणमा लिइएको हो।
सुनसरी जिल्ला अदालतले २०७८ सालमा दोषी ठहर गर्दै कैद सजाय सुनाएको भए पनि उनी लामो समयदेखि फरार थिए। पक्राउ परेका चौधरीलाई कारागार चलानका लागि अदालतमा पेस गर्ने तयारी गरिएको प्रहरीले जनाएको छ।
