काठमाडौं, जेठ १९ — मनोजकुमार शर्मा ले आफू आकस्मिक रूपमा नेतृत्वमा आएको भए पनि कार्यकालभर न्याय क्षेत्र सुधार र सुशासन स्थापनामा केन्द्रित रहने बताएका छन्।

पत्रकारहरूसँगको भेटमा उनले छिटो, प्रभावकारी र पारदर्शी न्याय प्रवाहलाई प्राथमिकतामा राख्दै न्यायपालिकाप्रतिको जनविश्वास बढाउन काम गर्ने प्रतिबद्धता व्यक्त गरे।

यसअघि उनले न्यायपालिका सुधार, सुशासन र विकृतिविरुद्ध शून्य सहनशीलता अपनाउन देशभरका न्यायाधीशलाई २१ बुँदे निर्देशनसमेत जारी गरेका थिए।