नेकपा एमालेनिकट अनेरास्ववियुले १३ बुँदे ‘टीयू घोषणापत्र’ जारी गर्दै शिक्षा सुधारदेखि राष्ट्रिय मुद्दासम्मका माग अघि सारेको छ।
त्रिभुवन विश्वविद्यालयमा बसेको सचिवालय बैठकले आधारभूतदेखि माध्यमिक तहसम्मको शिक्षा पूर्ण रूपमा नि:शुल्क र अनिवार्य बनाउनुपर्ने माग गरेको छ। सार्वजनिक यातायातमा विद्यार्थी छुट ४५ प्रतिशत कार्यान्वयन गर्न पनि आग्रह गरिएको छ।
संगठनले कालापानी, लिपुलेक र लिम्पियाधुरामा भारतको अतिक्रमणको विरोध गर्दै सरकारले कडा अडान लिनुपर्ने बताएको छ।
त्यसैगरी, विद्यार्थीका समस्या समाधानका लागि विशेष इकाई स्थापना, अनुसन्धान अवसर विस्तार, महँगी नियन्त्रण र विश्वविद्यालयमा विद्यार्थी संगठनमाथिको प्रतिबन्ध हटाउनुपर्ने माग पनि राखिएको छ।
