काठमाडाैं । प्रधानमन्त्री कप एकदिवसीय क्रिकेटमा अर्जुन कुमालले दोस्रो शतक प्रहार गरेका छन्। उनको अविजित १०३ रनको मद्दतमा गण्डकीले लुम्बिनीलाई ८ विकेटले पराजित गरेको हो।
लुम्बिनीले दिएको २०७ रनको लक्ष्य गण्डकीले ४४.१ ओभरमा दुई विकेट गुमाउँदै पूरा गर्यो। कुमाल र सिव्रिन श्रेष्ठले पहिलो विकेटका लागि ९५ रनको साझेदारी गरे। सिव्रिन ४३ रन बनाएर आउट भए।
यसअघि पनि कुमालले कोशीविरुद्ध १०२ रन बनाएका थिए। उनी प्रतियोगितामा सर्वाधिक रनकर्ताको सूचीमा शीर्षस्थानमा छन्।
