काठमाडौं । पशुपति क्षेत्र विकास कोषको शवदाह मेसिन खरिदमा भएको भनिएको भ्रष्टाचार मुद्दा विशेष अदालतमा सुनुवाइका लागि पुगेको छ।
तत्कालीन सदस्य सचिव डा. मिलनकुमार थापासहित १४ जनाविरुद्धको मुद्दा न्यायाधीश सुदर्शनदेव भट्ट र डिल्लीरत्न श्रेष्ठको इजलासमा पेसी तोकिएको हो।
अख्तियार दुरुपयोग अनुसन्धान आयोगले मेसिन खरिदमा लागत अनुमान अस्वाभाविक रूपमा बढाइएको, प्रतिस्पर्धा नगरिएको र अग्रिम भुक्तानीसमेत दिइएको आरोप लगाएको छ।
प्रकरणमा करिब १ करोड ८२ लाख रुपैयाँ बिगो माग दाबी गरिएको छ।
