नेपाल आयल निगमले पेट्रोल, डिजेल र मट्टीतेलको मूल्य समान १५ रुपैयाँ बढाएको छ। पश्चिम एसियामा जारी युद्धका कारण अन्तर्राष्ट्रिय बजारमा मूल्य वृद्धिको असर पर्ने निगमले जनाएको छ।
काठमाडौं, पोखरा र दिपायलमा पेट्रोलको मूल्य १८७ रुपैयाँ कायम गरिएको छ भने विराटनगर, जनकपुर, अमलेखगञ्ज, नेपालगञ्ज, धनगढी र विरगञ्जमा १८४.५० रुपैयाँ, सुर्खेत र दाङमा १८६ रुपैयाँ तोकिएको छ।
निगमले उपभोक्तालाई मितव्ययिता अपनाउन अनुरोध गर्दै अन्तर्राष्ट्रिय बजारमा मूल्य घटेपछि मूल्य घटाउने प्रतिबद्धता जनाएको छ।
