काठमाडौं । प्रतिनिधिसभा नियमावली मस्यौदामा समावेश केही प्रावधानलाई लिएर संवैधानिक तथा कानुनी विवाद उत्पन्न भएको छ।
विशेषगरी संविधान संशोधनका लागि प्रतिनिधिसभा र राष्ट्रियसभाको मत जोड्ने व्यवस्था राखिएको विषयलाई विज्ञहरूले संविधानविपरीत भन्दै आलोचना गरेका छन्। कानुनविद्हरूका अनुसार दुई सदनको मत जोडेर दुई तिहाइ पुर्याउने प्रावधान संसदीय अभ्यास र संविधान दुवैसँग असंगत छ।
त्यस्तै, नियमावलीमा सांसदलाई विशेषाधिकार दिने तथा अदालतमा प्रश्न उठाउन नपाइने जस्ता व्यवस्था पनि विवादित बनेका छन्। विज्ञहरूले यी प्रावधान संशोधन वा हटाउनुपर्ने माग गरेका छन्।
