विराटनगर — १३७औँ अन्तर्राष्ट्रिय श्रमिक दिवसको अवसरमा उद्योग संगठन मोरङले श्रमिक र रोजगारदाताबीच सम्बन्ध मजबुत बनाउने उद्देश्यले सम्मान कार्यक्रम आयोजना गरेको छ।
कार्यक्रममा सुनसरी–मोरङ औद्योगिक क्षेत्रका तीन दीर्घकालीन श्रमिक—मायावती थारु, मोहम्मद ईद्रिस मिया र सीतादेवी लामिछाने—लाई नगदसहित सम्मान गरिएको छ।
अध्यक्ष नन्दकिशोर राठीले उद्योग–श्रमिक सम्बन्ध सुदृढ बनाउन संगठनले सेतुको भूमिका खेल्दै आएको बताए। कार्यक्रममा उद्योगी, ट्रेड युनियन प्रतिनिधि तथा अन्य सरोकारवालाको सहभागिता रहेको थियो।
