काठमाडौं । राष्ट्रिय योजना आयोगले राष्ट्रिय गौरवका आयोजनाको संख्या १० वटा मात्रै कायम गर्न सरकारलाई सुझाव दिएको छ।
प्रतिनिधिसभाको पूर्वाधार विकास समितिमा बोल्दै आयोगका सचिव रविलाल पन्थले आयोजना घटाउँदा कार्यान्वयन र लगानी व्यवस्थापन सहज हुने बताएका छन्।
उनले धेरै आयोजना भएकाले बजेट अभाव, ढिलाइ र नीतिगत अस्पष्टता जस्ता समस्या देखिएको उल्लेख गरे।
आयोगले ५० प्रतिशतभन्दा बढी प्रगति भएका आयोजना छिटो सम्पन्न गर्न र कम प्रगतिका आयोजनाको पुनरावलोकन गर्न पनि सुझाव दिएको छ।
