काठमाडौं । क्याम्पस तथा विश्वविद्यालयबाट दलसम्बद्ध विद्यार्थी संगठन हटाउने सरकारी निर्णयविरुद्ध नेपाल विद्यार्थी संघ (नेविसंघ) ले सर्वोच्च अदालतमा रिट दायर गरेको छ।
रिटमा उक्त निर्णय संविधानविपरीत भएको दाबी गर्दै शिक्षा मन्त्रालय र विश्वविद्यालय समन्वय समितिको निर्देशनले विद्यार्थी संगठनमाथि प्रतिबन्ध लगाएको आरोप लगाइएको छ।
नेविसंघले संगठनलाई पुनः सञ्चालन गर्न दिन र निर्णय खारेज गर्न परमादेश माग गरेको छ। यसअघि अनेरास्ववियुको मुद्दामा सर्वोच्चले अल्पकालीन अन्तरिम आदेश दिएको थियो।
